•  
  •  
  •  

Hótel í Tórshavn

Smyril Line - Hótel í Tórshavn

Hótel í Tórshavn

Heillandi blanda af gömlu og nýju

Þórshöfn er notalegur bær sem samanstendur að mestum hluta af litlum húsum í margskonar litum. Bærinn hefur allt þá kosti til að vera lítil höfuðborg, það er eitthvað mjög einstakt við Þórshöfn. Bærinn hefur sjarmerandi blöndu af gömlu og nýju. Á svæðinu við höfnina liggur Tinganes, þar sem þingið er staðsett auk gamla bæjarins. 

 

Litlu fallegu húsin hafa verið uppgerð síðustu ár og hefur svæðið þróast í huggulegan stað þar sem fólk vill búa. Skansinn er staðsettur fyrir ofan höfnina. Hann er gamalt virki sem byggt var árið 1580 til að verja Þórshöfn fyrir sjóræningjum. Gistu á Hótel Hafnia eða á glænýju hótelinu okkar Hótel Brandan, sem opnar í maí 2020. 


 

Verð á mann þegar 2 ferðast saman


4 nætur

01.04-27.05 & 26.08-21.10.2020


Klefi án glugga:
ISK 80.790


Klefi með glugga:
ISK 86.290


Klefi með glugga og tvíbreiðu rúmi:
ISK 90.890


Lúxusklefi:
ISK 100.990

 

6 nætur

11.06-13.08.2020


Klefi án glugga: 
ISK 140.690


Klefi með glugga: 
ISK 154.590


Klefi með glugga og tvíbreiðu rúmi: 
ISK 163.690


Lúxusklefi: 
ISK 195.890


 

Innifalið:
  • Seyðisfjörður - Þórshöfn og til baka
  • Klefi
  • Fólksbíll
  • 4 eða 6 nætur á Hotel Hafnia eða Hotel Brandan i Þórshöfn
  • Morgunverður á hóteli
Viðbætur:

Bóka eða fá
frekari upplýsingar

+354 470 2803

    Hótel Hafnia

    Hótel Hafnia er staðsett í sögulegum hluta Þórshafnar. Frá þaksvölum hótelsins er einstakt útsýni yfir alla höfuðborgina auk hafnarinnar. 

     

    Hótel Hafnia er staðsett í miðbæ Þórshafnar, nálægt aðalgötunni auk þess sem stutt er í búðir, veitingastaði og upplýsingamiðstöð ferðamanna. Á hótelinu má finna veitingastað og kaffihús. 

     

    Á þriðja og fjórða áratug síðustu aldar var maður að nafni Christian Restorff sem leigði út herbergi í fjölskylduhúsi sínu á hverju ári. Það hætti árið 1950 þegar Christian ákvað að rífa eignina og byggja þar hótel. Árið 1951 var hótelið opnað og nefnt Hafnia – sem er latneska orðið yfir höfn. Í gegnum fimmta, sjötta og sjöunda áratug síðustu aldar stækkaði Hótel Hafnia í núverandi stærð sem eitt af fremstu hótelum í Færeyjum. 

     

    Christian Restorff einblíndi á það að hótelið ætti að vera það fremsta á sínu sviði sem hann náði að afreka. Hótelið er fullt af góðu andrými og gera starfsmenn ávallt sitt besta til að verða við þörfum gesta. 

     

    Bílastæði

    Bílastæðin fyrir framan hótelið eru fyrir almenning og eru tímamörk á því hversu lengi má leggja í stæðin. Nokkur bílastæði má finna bakvið hótelið. Einnig er hægt að leggja bílnum á almennu bílastæði sem er nálægt hótelinu (Skálatröð), þar sem hægt er að leggja í 8 tíma. Gjaldlaust er í bílastæði frá 18:00 til 09:00. 

     

     


     

    Hótel Brandan

    Hótel Brandan mun opna í Maí 2020. 

    Hótelið verður 4 stjörnu umhverfisvænt hótel með vottun frá Greenkey. Hótelið er vel staðsett í höfuðborginni Þórshöfn, aðeins nokkrar mínútur frá miðbænum, verslunarmiðstöð, fótboltavelli og miðstöð íþrótta í Þórshöfn.


    Hótel Brandan samanstendur af 124 hótelherbergjum, 4 fundarherbergjum, saunu, líkasrækt og heitum pottum auk þess sem til staðar eru 130 bílastæði fyrir gesti. 

     

    Við mælum með

     

    Keyrðu um Færeyjar og skoðaðu meðal annars fallegu staðina sem við mælum með. 

     


     

    Gjógv

    og aðrir viðkomustaðir í nágrenninu

     

    Gjógv er vinsælasti staður Færeyja til að ljósmynda, en staðurinn liggur á norðurhluta Eystureyjar. Til að komast til Gjógv þarf að keyra yfir háan fjallshrygg. en frá toppi fjallshryggsins opnar sig stór og grænn dalur með tilkomumiklum fjöllum á báða vegu. Við enda dalsins má finna litríka byggð Gjógv, með frjálslega staðsettum húsum við á byggðarinnar. Í miðri á má finna stíflu þar sem finna má börn á leik að sumri til. Gjógv er þó einnig þekktur fyrir náttúrulega höfnina sem þar má finna. 

     

    Gjógv

     

    Gjógv er færeyska orðið yfir gjá og er nafnið dregið frá stórri gjá sem sker landslag bæjararins í miðju og myndar nátturulegu höfn staðarins. Tilvalið er að ganga niður tröppur sem liggja að gjánni og út að höfninni og njóta hinna fjölmörgu hljóða náttúrunnar. Við byggðina er ströndin lág, en á móti austri við Múlin og lengra við tangann, að suðurströndinni, mætir hafið landi. Í hina áttina teygir sig djúpur dalur niður á móti byggðinni. Aðeins frá liggur önnur falleg náttúruperla, dalurinn Ambadalur, en þangað er mjög vinsælt að fara í göngutúra. Fyrir utan Ambadal stendur svo ein stærsta einstaka klöpp eða súla í Færeyjum sem nefnist Búgvin, 188 metrar að hæð.

     

    Tveir vegir liggja að Gjógv. Mælum við með að keyra annan á leið til Gjógv og taka hinn á leiðinni frá staðnum. Ef ferðast er á bíl mælum við með að taka svokallaða "Sex rétta seðilinn". Hann inniheldur Funning, Gjógv, Slættartindi, Risin og Kellingen, Tjörnuvík og Saksun. Seðillinn býður upp á dagleið sem býður upp á fallega náttúru og ferskt heilnæmt loft. 

     


     

    Kirkjubøur

    Í bænum Kirkjuböur, eða Kirkjubæ í Færeyjum má finna stórfenglegar minjar frá fortíðinni. 

     

    Kirkjubøur

     

    Á miðöldum var bærinn miðpunktur fyrir menningu- og trú í Færeyjum, auk þess sem hann var hluti af kaþólsku kirkju Noregs. Prestaskólinn á Kirkjubæ var sá fyrsti og eini sinnar tegundar fram að endurreisninni árið 1538. Sverrir Noregskonungur óx upp í bænum og hlaut prestmenntun sína og síðar vígslu í bænum. 

     

    Í dag búa um 80 manns á Kirkjubæ og liggur bærinn í um 15 mínutna akstursfjarlægð frá höfuðborginni, Þórshöfn.

     


     

    Klaksvík

    Klaksvík er nærststærsti bær Færeyja og býr þar um 10% færeysku þjóðarinnar. Umhverfis bæinn liggja píramídalöguð fjöll með fallegum flóa sem liggur beggja vegna við fjöllin. 

     

    Klaksvík er einn af mikilvægustu hafnarbæjum Færeyja og má þar finna blómstrandi efnahagslíf. Íbúar bæjarins eru mjög góðir í að búa til viðburði og finna tækifæri til að draga að sér gesti allstaðar af eyjunum. Flestir viðburðir bæjarins fara fram yfir sumartímann. 

     

    Keyra þarf göng, sem liggja undir hafinu, frá Leirvík til Klaksvíkur. 

     



    Kvívík, Vestmanna og Vestmannafjöllin

    Á leið til Vestmanna er farið framhjá bæði Leynum og Kvívík. Þessir tveir bæir erum bæði fallegir auk þess sem þeir hafa mikið aðdráttarafl. Bærinn Leynar breiðir úr sér upp fjallshlíðina að einni af fallegustu sandfjörum Færeyja, en þar er mikið útsýni yfir til Koltur og Vágoy. Ánægjulegt er að heimsækja ströndina, bæði fyrir börn jafnt sem fullorðna. 

     

    Eftir að hafa ekið frámhjá Leynar, er komið til Kvívíkur. Í Kvívík má finna uppgröft frá tímum víkinga sem ber þess vitni að Kvívík er eitt af elstu bæjarstæðum Færeyja. Kirkja bæjarins var vígð árið 1903 og er mælt með að gestir skoði kirkjuna. Byggð Kvívíkur er einnig mjög falleg og er hiklaust mælt með að gestir gangi um bæinn. 

     

    Vestmannabjørgini

     

    Þegar keyrt er frá Kvívík í átt til norðurs má finna Vestmanna. Vestmanna er þekktur fyrir mikilfeng fuglabjörg og ótrúlega hella. Þar má einnig finna Vestmannabjörgin. Á háannatíma eru daglegar skoðunarferðir út að fuglabjörgunum og eru þær vinsælar hjá ferðamönnum jafnt sem heimamönnum. Í þeim ferðum er siglt meðfran klettunum upp að sjálfum Vestmannafjöllunum sem liggja berskjölduð út að Atlantshafinu. 

     


     

    Mykines

    Mykines er sú eyja Færeyja sem liggur vestast. Hún er þekkt fyrir ríkt fuglalíf en eyjan er heimkynni þúsunda farfugla sem verpa þar yfir sumarið. 

     

    Mykines

     

    Á Mykinesi má finna einu súlubyggð Færeyja sem gerir eyjuna einstaka. Lundinn á það þó til að stela sennunni á eyjunni þegar hann stillir sér upp fyrir myndatökur með litríka gogginn sinn fullan af fiski. 

     

    Siglingin yfir á Mykines, tekur um rúma klukkustund, og er ein besta leiðin til að sjá Tindahólm í návígi. Tindahólmur er lítil og brött klettaeyja sem liggur fyrir utan eyjuna Vágoy. Þegar komið er til Mykines er siglt meðfram fuglabjörgunum á suðurhlið eyjunnar áður en komið er til byggðarinnar á eyjunni. 

     



    Saksun

    Saksun er ein af óvæntu perlum Færeyja.

     

    Saksun

     

    Til að komast til Saksun er keyrt í gegnum langan dal frá bænum Hvalvík. Eftir að hafa keyrt fram hjá fallegu vatni, Saksunvatni, kemur byggð staðarins óvænt í ljós. Í gegnum bæinn liggur svo djúpur skorningur. Ef keyrt er hægra megin við skorninginn er komið að minnsta bæjarhlutanum þar sem finna má stórkostlegt safn, Dúvugarð. Þar er hægt að sjá hvernig lífið var á bóndabæjum á árum áður. Í Saksun má einnig finna hvítkalkaða kirkju með grasþaki sem liggur utan í bergkantinum. 

    Siglingaráætlun

    Brottför (staðartími)
    Tórshavn. 21. Nov 21:00
    Koma (staðartími)
    Hirtshals. 23. Nov 10:00
    Brottför (staðartími)
    Hirtshals. 23. Nov 15:00