Svefnpokapláss

Svefnpokapláss er einfaldasta og hagkvæmasta gistingin um borð. Fullkomin leið fyrir þá sem vilja ferðast ódýrt og er hver klefi í boði fyrir 1 til 6 gesti. 6 kojur í hverjum klefa. Ekki er hægt að læsa dyrunum á þessum klefum auk þess sem snyrting og sturtur eru staðsettar á sameiginlegum gangi. Klefarnir eru kynjaskiptir. Svefnpokaplássið er staðsett á 2.dekki ferjunnar, sem er undir bíladekkinu. Þegar bókað er svefnpokapláss, en ekki heill klefi, þá fylgir morgunverður með bókuninni. Upplýsingarnar um fjölda máltíða koma fram á farseðli.

Þegar einstaklingur bókar í svefnpokapláss eru fleiri í sama klefanum. Klefarnir eru kynjaskiptir, karlar og konur verða að vera í aðskildum klefum. 

Þegar 2 til 6 manns ferðast saman er möguleiki að bóka allan klefann fyrir hópinn. Ef bókaður er heill klefi, þá er leyfilegt að bæði kyn gisti saman í klefanum. Morgunverður er ekki innifalinn í verði ef heill klefi er leigður.

Rúmfatapakki​: Rúmföt eru ekki innifalin í verði fyrir svefnpokapláss, en mögulegt er að bóka þau fyrirfram á 1.290 ISK. Pakkinn inniheldur sæng, kodda, lak og handklæði. Ef rúmföt eru bókuð fyrirfram, þá er pakkinn afhentur þér stuttu eftir brottför. Einnig er hægt að leigja rúmföt um borð í móttöku ferjunnar á 5.dekki, en verðið um borð er 20 EUR. 

Skápar fyrir farangur​: Hægt er að leigja skápa á 2. og 7. dekki til að læsa farangur inni. Skáparnir eru í tveimur stærðum. Stærri skápurinn er 88 cm djúpur, 60 cm langur og 40 cm á breidd. Minni skápurinn er 78 cm djúpur, 40 cm langur og 30 cm breiður. Það kostar 10 DKK að loka minni skápunum og 20 DKK að loka þeim stærri. Borga þarf gjaldið í hvert skipti sem skáp er lokað á meðan á leigu stendur. 


Translate_Get_your_free_catalogues

Translate_Please_enter_your_credentials_to_receive_your_free_catalogues