Stórlækkað verð til Danmerkur og Færeyja:

Fallegu Færeyjar

Norræna er góður kostur þegar ferðast er til Færeyja

 

Sigldu með Norrænu og farðu í spor gömlu víkinganna og sjáðu fallegu Færeyjar rísa upp í fjarska á heillandi hátt.  Við bjóðum fjölbreyttan ferðamáta, hvort sem þú vilt ferðast með eða án bíls, með bílinn og hjólhýsið eða láta okkur skipuleggja pakkaferð með hóteli, fæði og öllu tilheyrandi.

 

Færeyjar bjóða ekki aðeins upp á fallega náttúru heldur er þar að finna fólk sem er bæði menningarlegt og mikið fyrir útivist.

 

Saga Færeyja hefst  u.þ.b. 625 e.Kr. þegar fyrstu íbúarnir, írskir munkar, settust að á eyjunum. Munkarnir voru síðar hraktir frá eyjunum af norskum víkingum í leiðangri þeirra um Norður Atlandshaf. Um árið 825, settust fyrstu norsku víkingarnir að í eyjunum og í kringum 900, stofnuðu þessir fyrstu Færeyingar eigið þing  sem nú er eitt það elsta í heiminum.  Alþingi (Tingið) var staðsett í Tinganesi þar sem færeyska þingið er enn þann dag í dag.

 

Færeyska tungumálið kemur frá Old Norse sem var talað á Norðurlöndum á tíma víkinga. Smyril Line gerir þér kleift að fylgja leið víkinganna "og kynnast eyjunum frændum okkar í Færeyjum á útleið og ekki síst að sjá Ísland á birtast í fjarska á leið heim.

Njóttu þess að ferðast með Norrænu, það er þægilegur ferðamáti.

 

 

 
 

 

    sml-productlist-2015-new-general
    • i Með bílinn í fríið
      Føroyar

      Með bílinn í fríið

      Til Færeyja á bílnum, þægilegra getur það ekki verið. Verð á mann frá 22.250

    • i Mótorhjólaferð
      Føroyar

      Mótorhjólaferð

      Það er frábært að aka um fallegu Færeyjar á mótorhjólinu. Skoðaðu tilboðin.

    • i Húsbíllinn
      Føroyar

      Húsbíllinn

      Okkur finnst grasið örlítið grænna í Færeyjum! Húsbíllinn með á verði fólksbíls.

    • i Án farartækis
      Føroyar

      Án farartækis

      Samgögnur eru góðar í Færeyjum. Rútur og ferjur flytja þig á milli. Svo er frítt í strætó í Þórshöfn.

    sml-productlist-2015-new-general
    • i Stökktu til Færeyja

      Stökktu til Færeyja

      Inniheldur fjórar eða sex nætur á hótelum á tveimum mismunandi eyjum í Færeyjum.

    • i Hótel Skálavík

      Hótel Skálavík

      Hótel Skálavík er nútímalegt 3 stjörnu hótel sem er staðsett á einum fallegasta stað Færeyja

    • i Hótel Föroyar
      Føroyar

      Hótel Föroyar

      En stærsti bærinn í Færeyjum. Í Þórshöfn búa um 20.000 manns

    • i Hótel Klaksvík

      Hótel Klaksvík

      Hótel Klaksvík er huggulegt hótel og þaðan er glæsilegt útsýni er yfir bæinn.

     

    Keyrðu um  Færeyjar og skoðaðu meðal annars þessa fallegu staði sem við mælum með. 

     


     

    GJÓGV

    og aðrir viðkomustaðir í nágrenninu

     

    Sá staður sem vinsælast er að ljósmynda í Færeyjum er byggðin Gjógv sem liggur í norðurhluta Eystureyjar. Til þess að komast til Gjógv þurfið þið að keyra yfir fjallshrygg sem liggur hátt. Frá toppi hans opnar sig stór og grænn dalur með tilkomumiklum fjöllum á báða vegu. Alveg niðri og við enda dalsins eru litrík hús, frjálslega staðsett við fallega og hreina á. Í miðri ánni er stífla þar sem börnin leika sér á sumrin. Það er samt sérstaklega hin náttúrulega höfn sem Gjógv er mest þekkt fyrir. Gjógv er færeyska orðið yfir gjá og það er hin stóra gjá mitt í bænum sem sker landslagið sem myndar náttúrulegu höfnina sem vísað er til. Það er tilvalið að ganga niður tröppurnar niður að gjánni að höfninni og njóta hinna fjölmörgu hljóða náttúrunnar og alls ægivalds hennar. Við byggðina er ströndin lág, en á móti austri við Múlin og lengra við tangann að suðurströndinni mætir hafið landi. Í hina áttina teygir sig djúpur dalur niður á móti byggðinni og aðeins frá liggur önnur falleg náttúruperla, dalurinn Ambadalur, en þangað er mjög vinsælt að fara í göngutúra. Fyrir utan Ambadal stendur ein stærsta einstaka klöpp eða súla í Færeyjum sem heitir Búgvin.

     

    Það eru tveir vegir sem liggja að Gjógv og skemmtilegast er að koma annan þeirra til Gjógv og fara hinn til baka. Ef þið eruð á bíl ættuð þið að taka sex rétta seðilinn svokallaða- með Funning, Gjógv, Slættartindi, Risin og Kellingen, Tjörnuvík og Saksun. Þetta er í raun dagleið sem gefur manni tilfinningu fyrir fallegri náttúru og fullt af heilnæmu fersku lofti.

     


     

    KIRKJUBÆR

     

    Í bænum Kirkjuböur, eða Kirkjubæ á Færeyjum finnur maður stórfenglega minjar fortíðar. Á miðöldum var bærinn menningar- og trúarlegur miðjupunktur í Færeyjum og var hluti af kaþólsku kirkju Noregs. Prestaskólinn á Kirkjubæ var sá fyrsti og eini fram að endurreisninni árið 1538. Sverrir Noregskonungur óx hér úr grasi og hann hlaut hér prestsmenntun sína og síðar vígslu.

     

    Í dag búa um 80 manns á Kirkjubæ, sem liggur í um 15 mínútna akstri frá Þórshöfn.

     

     

     


     

    KLAKSVIK

     

    Klaksvik er næststærsti bær Færeyja og þar býr um 10% færeysku þjóðarinnar. Bærinn liggur fallega umkringdur píramídalöguðum fjöllum með fallegum flóanum á báðar hliðar. Klaksvik er einn af mikilvægustu hafnarbæjum eyjanna og er þar blómstrandi efnhagslíf. Íbúar bæjarins eru mjög duglegir og eru þeir sérstaklega góðir í að búa til viðburði og finna tækifæri til að draga að sér gesti alls staðar af landinu. Flestir viðburðir fara fram yfir sumartímann.

     

    Til þess að komast til Klaksvikur þarf að keyra göng sem liggja undir hafinu frá Leirvík til Klaksvíkur.

     

     

     



    KVÍVÍK, VESTMANNA OG VESTMANNAFJÖLLIN

     

    Á leiðinni til Vestmanna, farið þið framhjá bæði Leynum og Kvívík, tveimur fallegum bæjum sem hvor um sig hefur mikið aðdráttarafl. Bærinn Leynar breiðir úr sér upp fjallshlíðina utan í einni fallegustu færeysku sandfjöru sem þar finnst, en þaðan er mjög áhrifamikið útsýni yfir til Koltur og Vágoy. Það er dásamlegt að heimsækja ströndina, bæði fyrir bæði börn og fullorðna alls staðar af landinu. Eftir að hafa farið framhjá Leynar, komið þið til Kvívíkur, sem er aðeins lengra niður aðalgötuna. Í Kvívík finnið þið uppgröft frá víkingatímum sem ber þess vitni að Kvívík var eitt af elstu bæjarstæðum Færeyja. Kirkjan var vígð árið 1903 og er mjög heillandi og algjörlega þess virði að heimsækja. Byggðin er líka ótrúlega falleg og göngutúr um hana er eitt af því sem við mælum hiklaust með.

     

    Ef þið keyrið frá Kvívík og lengra í norður, komið þið til Vestmanna, sem er þekktur staður en þaðan geta ferðalangar farið og skoðað hin mikilfenglegu fuglabjörg og ótrúlega hella. Vestmannabjörgin eru einnig þar útfrá. Á ferðamannatímanum eru daglega margar ferðir út að fuglabjörgunum og er það mjög vinsæll áfangastaður fyrir jafnt ferðamenn og Færeyinga sjálfa. Á leiðinni siglið þið meðfram klettunum upp að sjálfum Vestmannafjöllunum sem liggja berskjölduð út að Atlantshafinu.

     


     

    MYKINES

     

    Mykines er vestasta eyja Færeyja. Mykines er þekkt fyrir ótrúlegt fuglalíf en eyjan er heimkynni þúsunda á þúsunda ofan af farfuglum sem verpa þar yfir sumarið. Á Mykinesi er eina súlubyggð Færeyja, sem gerir eyjuna að einstökum stað í sjálfu sér, en það er kannski lundinn sem stelur senunni á eyjunni þar sem hann stillir sér upp fyrir myndatökur með litríka gogginn sinn fullan af fiski.

     

    Siglingin yfir á Mykines tekur aðeins undir klukkutíma og er ein besta leiðin til þess að sjá Tindhólm í návígi. Tindhólmur er lítil og brött klettaeyja sem liggur fyrir utan Vágoy. Þegar þið komið til Mykines siglið þið meðfram fulgabjörgunum á suðurhlið eyjarinnar áður en þið komið að sjálfri byggðinni.

     



    SAKSUN
     

    Saksun er ein af óvæntu perlum Færeyja. Til þess að komast til Saksun keyrið þið í gegnum langan dal frá bænum Hvalvík. Eftir að hafa keyrt framhjá fallegu vatni, Saksunvatni, kemur byggðin óvænt í ljós. Það liggur djúpur skorningur niður í gegnum bæinn. Ef þið keyrið hægra megin við skorninginn komið þið að minnasta bæjarhlutanum þar sem er alveg stórkostlegt safn, Dúvugarður. Þar má sjá hvernig lífið var á bóndabæjunum í gamla daga. Hér kúrir líka falleg hvítkölkuð kirkja með grasþaki utan í bergkantinum.

    Staðsetning

    Norður-Evrópa. Færeyjar eru staðsettar í Norður-Atlantshafi, mitt á milli Íslandi og Skotlands.
     

    Landafræði

    Færeyjar eru klasi 18 eyja en búið er á 16 þeirra og tengjast þær með jarðgöngum og ferjum. Staðsetning eyjanna gerir þær mikilvægar fyrir siglingar í norð-austur Atlandshafi. Landslagið er hrikalegt og skiptist í þverhnípta kletta og grasivaxnar hæðir en lítið er um skóglendi. Takmarkaðar byggðir á mörgum eyjunum.

     

    Verðurfar

    Milt veður, bæði yfir sumar og vetrarmánuðina. Meðalhiti í júlí 10-11° og í janúar 3-4°
     

    Flatamál

    1399 km545.3 square miles.

     

    Íbúafjöldi

    48,350 (30.08.07). 

     

    Höfuðstaður

    Þórshöfn á Straumey; Íbúafjöldi.: um 20.000

     

    Tungumál

    Færeyska er tungumál og er komin frá "Old Norse"  eða fornnorrænu og er náskylt Íslensku.Danska og enska eru ennig töluð af flestum íbúum.  
     

    Trú

    Flestir Færeyinga tilheyra Evangelísk-Lúthersku þjóðkirkjunni eða um 80% og flestir aðrir kristnum söfnuðum. 

     

    Uppruni
    Færeyingar líkt og Íslendingar eru flestir af norrænum uppruna eða landsnáms víkingum sem settust að á 9 öld. Færeyjar hafa verið pólitískt tengdir Danmörku frá 14. öld og eru Danskir ríkisborgarar.

     

    Stjórnmál

    Frá 1948 þegar heimastjórnarlögin voru sett hafa Færeyingar haft sjálfstjórn innan konungsríkisins Danmörku. Eyjarnar hafa eigið löggjafaþing Lögþingið og eigin fána.

     

    Landsstjóri

    Kaj Leo Johannesen, lögmaður Færeyinga (frá janúar 2008).

     

    Lögþingið

    Lögþingið er skipað af landstjóra.

     

    Atvinnuvegur

    Fiskveiðar, fiskvinnsla, skipasmíði, byggingaiðnaður, hönnun og handverk. 
     

    Vinnuafl

    29.960 manns (02.01.07).

     

    Vinnuafl eftir starfsstétt

    Fiskveiði, fiskvinnsla, verksmiðjuvinna 33%. Byggingaiðnaður og einkafyrirtæki 33% Fishing, fish processing, and manufacturing 33%, construction and private services 33%. Opinber þjónusta 34%.

     

    Útflutningur

    Heildar útflutningur í Evrum 519,5 mill. (05.09.07).

     

    Innflutningur

    Heildar innflutningur í Evrum 628,2 mill. (05.09.07).