Siglt til Færeyja með Norrönu
Ástæða ferðarinnar með Norröna var að ég og systir mín vorum á leið á Víkingahátíðina í Hov á Suðurey í Færeyjum. Við vorum beðnar að koma og spá á hátíðinni.
Ferðin á Seyðisfjörð gekk vel en þar hittum við fyrir hóp af Víkingum frá félaginu Rimmugýg úr Hafnarfirði sem voru ferðafélagar okkar á Víkingahátíðina. Siglingin út var dásamleg.
Hægt var að vera úti á þilförum og njóta veðursins, fá sér að borða og drekka og njóta lífsins.
Á heimferðinni var best að halda sig í koju en veðrið var þannig. Hinsvegar var stórkostlegt að horfa út um kýraugað á mikilfengi hafsins.
Hátíðin í Hov var yndisleg. Gestrisni Færeyinga er náttúrulega með eindæmum góð. Við fengum gistingu hjá einstakri vinkonu og skemmtum okkur konunglega á hátíðinni.
Ferðasagan er fengin frá Evu Ingibjörgu Sumarliðadóttur, en hún ferðaðist til Færeyja ásamt systir sinni Sveinbjörgu Rósu.